Gujarat weather forecast:- રાજ્યમાં મેઘરાજાનો ત્રીજો રાઉન્ડ ધડબડાટી બોલાવશે તેવી આગાહી કરવામાં આવી છે. આ અંગે હવામાન વિભાગના ડાયરેક્ટર ડો. મનોરમા મોહન્તીએ જણાવ્યું છે કે, ઇસ્ટ વેસ્ટ ટ્રફ ડેવલોપ થઇ રહ્યુ છે. જેના કારણે આખા ગુજરાતમાં સારા વરસાદની શક્યતા છે. સમગ્ર રાજ્યમાં સાત દિવસ ભારે વરસાદની શક્યતા છે. આ સાથે એમ પણ જણાવ્યુ કે, રાજ્યમાં અત્યાર સુધીમાં 63 ટકા વરસાદ નોંધાયો છે.
હવામાન નિષ્ણાંત અંબાલાલ પટેલ દ્વારા કરાવમાં આવી આગાહી પ્રમાણે આવનારા સાત દિવસમાં આખા રાજ્યમાં વરસાદ થવાની સંભાવના છે. આજે પહેલા દિવસે રાજ્યના અનેક વિસ્તારોમાં વરસાદ થઇ શકે છે. આ સાથે કેટલાક વિસ્તારોમાં ભારે વરસાદ પણ થવાની શક્યતા છે. મોટાભાગે દક્ષિણ અને સૌરાષ્ટ્રના દરિયાકાંઠાના વિસ્તારોમાં ભારે વરસાદ થવાની શક્યતા છે.
ગુજરાતના હવામાન અંગે તેમણે એમ પણ જણાવ્યુ કે, ગીરસોમનાથ, અમરેલી, જુનાગઢ, ભાવનગરમાં ભારે વરસાદ થવાની શક્યતા છે. આ સાથે દક્ષિણ ગુજરાતના કેટલાક ભાગોમાં જેમકે વલસાડ, નવસારી, સુરતમાં ભારે વરસાદ થઇ શકે છે.
હવામાન વિભાગના ડાયરેક્ટરે જણાવ્યુ કે, 17થી લઇને 23 તારીખ સુધી સાત દિવસ સમગ્ર ગુજરાતમાં વરસાદ થવાની શક્યતા છે. આવતીકાલથી ગુજરાતમાં ભારે વરસાદ થવાની શક્યતા છે. આ ઉપરાંત 19થી 21 તારીખ સુધી રાજ્યમાં ભારેથી અતિભારે વરસાદ થવાની શક્યતા છે.
માછીમારી અંગેની ચેતવણી આપતા જણાવ્યુ કે, દક્ષિણ ગુજરાતના દરિયાકાંઠે માછીમારોને પાંચ દિવસની ચેતવણી આપવામાં આવી છે. ફીશરમેન વોર્નિંગ રહેશે.
આ ઉપરાંત તેમણે અમદાવાદ અંગે વાત કરતા જણાવ્યુ કે, સમગ્ર રાજ્ય સહિત અમદાવાદમાં પણ આગામી સાત દિવસમાં વરસાદ થવાની આગાહી છે. જ્યારે 19 અને 20 તારીખે અતિભારે વરસાદની પણ શક્યતા છે.
હવામાન નિષ્ણાત અંબાલાલ પટેલે પણ રાજ્યમાં ધોધમાર વરસાદ થવાની આગાહી કરી છે. તેમણે જણાવ્યા પ્રમાણે, તારીખ 17, 18, 19, 20માં ભારે વરસાદ થશે. મુંબઇથી દક્ષિણ ગુજરાત અને સૌરાષ્ટ્રના ભાગોમાં વરસાદ થશે. આ ઉપરાંત તેમણે જણાવ્યુ કે, દરિયાકાંઠાના વિસ્તારોમાં અને સૌરાષ્ટ્રના વિસ્તારોમાં વરસાદ થશે. જામનગરમાં ભારે વરસાદ થવાની આશંકા છે. અંબાલાલ પટેલે પોતાની લેટેસ્ટ આગાહીમાં જણાવ્યુ કે, મોરબી અને સુરેન્દ્રનગરમાં કેટલાક ભાગો, કચ્છ, ઉત્તર ગુજરાત, મધ્ય ગુજરાત સહિત અમદાવાદ અને પંચમહાલમાં સારો વરસાદ વરસી શકે છે. આ સાથે વડોદરા, સાવલીમાં ભારેથી અતિભારે વરસાદ થવાની આગાહી છે.
આવીજ અવનવી માહિતી દરરોજ વોટ્સએપમાં મેળવવા માટે નીચે આપેલ બટન પર ક્લિક કરો.
ખાસ નોંધ:- આપેલ તમામ સમાચાર અન્ય પોર્ટલ પરથી એકત્રિત કરીને આપની સમક્ષ રજૂ કરવામાં આવે છે. જેની સૌ લોકોએ જાણ લેવી. આપેલ સમાચાર માં જે કઈ પણ લખેલ છે તેના માટે Sarkarisahayyojana.com જવાબદાર નથી. તમારે કોઈ પણ નિર્ણય લેતા પહેલા જે તે અધિકૃત વેબસાઇટની મુલાકાત લઈને પછીજ નિર્ણય લેવો. અહીં અમે કોઈ પણ લોકોને હાનિ પોહ્ચે એવા લેખ ક્યારેય પોસ્ટ કરતા નથી.
