IMD Weather Alert: ગઈકાલે એટલે કે 24 મે બુધવારથી હવામાનમાં કેટલાક મોટા ફેરફાર જોવા મળી શકે છે. આ વર્ષે ઉનાળાની શરૂઆત વિચિત્ર રહી છે. થોડા દિવસની ગરમી બાદ પહાડી વિસ્તારોમાં વરસાદ અને હિમવર્ષાના કારણે હવામાનમાં અચાનક પલટો આવ્યો હતો અને તાપમાનમાં સરેરાશ કરતા વધુ ઘટાડો જોવા મળ્યો હતો. હવે આવનારા થોડા દિવસોમાં પણ આવા જ બદલાવ જોવા મળી શકે છે. ચાલો તમને જણાવીએ કે હવામાન વિભાગ દ્વારા કયા રાજ્યો માટે હવામાનની આગાહી જારી કરવામાં આવી છે.
IMDએ ચેતવણી જારી કરી છે
ભારતીય હવામાન વિભાગ (IMD) એ 24, 25 અને 26 મેના રોજ કરા, ભારે વરસાદ અને ધૂળના તોફાન કેટલાક રાજ્યો માટે ચેતવણી જારી કરી છે. IMD એ ટ્વિટમાં કેટલાક રાજ્યોનો ઉલ્લેખ કર્યો છે જ્યાં 24 અને 25 મેના રોજ કરા પડી શકે છે.
કરાની ચેતવણી
આ રાજ્યો ઉત્તરાખંડ, પંજાબ, હરિયાણા, ચંદીગઢ, પશ્ચિમ ઉત્તર પ્રદેશ, રાજસ્થાન, ગુજરાત અને ઝારખંડ છે. બીજી તરફ હિમાચલ પ્રદેશ, સિક્કિમ અને પશ્ચિમ બંગાળમાં 24 મેના રોજ કરા પડી શકે છે.
આ રાજ્યોમાં ભારે વરસાદનું એલર્ટ
આ સાથે જ હવામાન વિભાગની આગાહી મુજબ હિમાચલ પ્રદેશ, ઉત્તર હરિયાણા, ઉત્તર પૂર્વ, રાજસ્થાન, કેરળ અને માહેમાં 24 મેના રોજ ભારે વરસાદ પડી શકે છે. પંજાબ, હરિયાણા, ઉત્તરાખંડ, ગુજરાત અને બિહારમાં 24 અને 25 મેના રોજ ભારે વરસાદ થઈ શકે છે. સબ-હિમાલયન પશ્ચિમ બંગાળ અને સિક્કિમ, આસામ અને મેઘાલય, મિઝોરમ અને ત્રિપુરામાં 24 થી 26 મે દરમિયાન ભારે વરસાદ થઈ શકે છે.
આવીજ અવનવી માહિતી દરરોજ વોટ્સએપમાં મેળવવા માટે નીચે આપેલ બટન પર ક્લિક કરો.
